A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Sunday 18 September 2016

លោក កឹម សុខា៖ សូម​ឲ្យ​គោរព​សិទ្ធិ​មនុស្ស​ដូចៗ​គ្នា

ដោយ លោក សូរ្យ ជ័យឧត្ដម​​ | ថ្ងៃអាទិត្យ ទី១៨ ខែកញ្ញា ឆ្នាំ២០១៦​ 4 ម៉ោងមុន | នយោបាយ | 0 | 6346អនុប្រធានគណបក្ស​សង្រ្គោះជាតិ លោក កឹម សុខា​
មេដឹកនាំគណបក្សសង្គ្រោះជាតិ លោក កឹម សុខា នៅព្រឹកថ្ងៃនេះ បានអំពាវនាវទៅរដ្ឋាភិបាលកម្ពុជា ឲ្យគោរពសិទ្ធិមនុស្ស “ដូចៗគ្នា” ដើម្បីបញ្ចៀសការបង្ហូរឈាម និងបដិវត្ដន៍។
លោក កឹម សុខា ថ្លែងដូច្នេះ ទៅកាន់ក្រុមយុវជនគណបក្សសង្គ្រោះជាតិ នៅឯទីស្នាក់ការកណ្ដាលគណបក្សនេះ នៅសង្កាត់ចាក់អង្រែលើ ជាទីដែលមេដឹកនាំបក្សប្រឆាំងរូបនេះ បានជួបជុំជាមួយក្រុមអ្នកគាំទ្រ និងថ្លែងសារនយោបាយជាបន្តបន្ទាប់ ក្រោយពីលោកត្រូវបានតុលាការរាជធានីភ្នំពេញ កាត់ទោសកាលពីថ្ងៃទី៩ ខែកញ្ញា ឲ្យជាប់ពន្ធនាគារ ៥ខែ ក្រោមការចោទប្រកាន់ថា បានបដិសេធចូលបំភ្លឺក្នុងតុលាការ ជុំវិញសំណុំរឿងអាស្រូវស្នេហា ដែលត្រូវបានគេទម្លាយថា លោកមានទំនាក់ទំនងស្នេហាជាមួយកញ្ញា ខុម ចាន់តារាទី ហៅ ស្រីមុំ។
លោក កឹម សុខា ថ្លែងថា៖ “មិនចង់ឃើញការបង្ហូរឈាម មិនចង់ឃើញបដិវត្ដន៍ មិនចង់ឃើញការឈ្លោះប្រកែកគ្នា មិនចង់ឃើញការឈឺចាប់ សូមឲ្យគោរពសិទ្ធិមនុស្សដូចៗគ្នាទៅ”។
ដោយសង្កត់ធ្ងន់ពីសារៈសំខាន់នៃការគោរពសិទ្ធិមនុស្ស លោក កឹម សុខា បានចោទប្រកាន់រដ្ឋាភិបាលកម្ពុជាដឹកនាំដោយគណបក្សប្រជាជនកម្ពុជានាពេលបច្ចុប្បន្នថា បានរំលោភសិទ្ធិមនុស្ស និងប្រើប្រាស់ប្រព័ន្ធតុលាការ ដើម្បីគំរាមកំហែងទៅលើប្រជាពលរដ្ឋ។
លោកថ្លែងថា៖ “ឥឡូវនេះ គេចង់នាំយើងបកទៅរកផ្លូវអាក្រក់ឡើងវិញហើយ រំលោភសិទ្ធិមនុស្ស ប្រើប្រាស់ប្រព័ន្ធតុលាការ ប្រើប្រាស់ស្ថាប័នរដ្ឋ ដើម្បីគំរាមកំហែងទៅលើប្រជាពលរដ្ឋខ្លួនឯង។ យកស្ថាប័នរដ្ឋខ្លួនឯង ទៅគំរាមកំហែងប្រជាពលរដ្ឋខ្លួនឯង គឺធ្ងន់ធ្ងរណាស់បងប្អូន”។
លោក កឹម សុខា បានស្នាក់នៅក្នុងទីស្នាក់ការគណបក្សអស់រយៈពេលជិត ៤ខែមកហើយ ចាប់តាំងពីមានការប៉ុនប៉ងចាប់ខ្លួនលោកមិនបានសម្រេច ពីសំណាក់កម្លាំងសមត្ថកិច្ច កាលពីចុងខែឧសភាកន្លងមក៕

សរសេរមកកាន់ លោក សូរ្យ ជ័យឧត្ដម តាមរយៈ oudom@vodhotnews.com

No comments: