ស្តាប់សំឡេង៖ |
ចម្លងទុក |
ការប៉ះទង្គិចគ្នាមួយប្រាវរវាងពលរដ្ឋ និងសមត្ថកិច្ច នៅខេត្តបាត់ដំបង (រូបថត ញឹម សុខន)
សមត្ថកិច្ចប្រហែល៦០នាក់ ប្រដាប់ដោយខែលនិងដំបងផងនោះ
បានប៉ះទង្គិចមួយប្រាវជាមួយពលរដ្ននៅភូមិអង្គរ សង្កាត់អូចារ
ក្រុងបាត់ដំបង ខណៈពួកគេព្យាយាមរារាំងមិន
ឲ្យពលរដ្ឋចូលរួមវេទិកាសម្តែងមតិ ស្តីពីការបោះឆ្នោត
ដែលរៀបចំដោយមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ
CCIM។
ការប៉ះទង្គិចនោះដោយសារ សមត្ថកិច្ច
អះអាងថា វេទិកានោះមានវិសាលភាពធំ
ហួសពីដែនសមត្ថកិច្ចរបស់អាជ្ញាធរឃុំ
និងតម្រូវឲ្យអ្នករៀបចំកម្មវិធីសុំការអនុញ្ញាតពីថ្នាក់ខេត្ត
ជាមុនសិន។ ប៉ុន្តែការរាំងនោះត្រូវបានពលរដ្ឋបដិសេធ
ដោយគាត់អះអាងថា
ការសម្តែងមតិនោះធ្វើឡើងនៅក្នុងដីជាកម្មសិទ្ធិឯកជនរបស់
អ្នកភូមិ ៖ "សូមលោកនាយកត្រូវទៅសុំការអនុញ្ញាត ទៅគោលការណ៍ពី រដ្ឋបាលខេត្ដបាត់ដំបងជាមុនសិនមុននឹងរៀបចំវេទិកាខាងលើនេះ" ។
អ្នករៀបចំកម្មវិធី របស់ CCIM លោក ណុប
វី អះអាងប្រាប់សមត្ថកិច្ចដែលចុះរារាំងនោះថា
តាមគោលការណ៏ច្បាប់មិនតម្រូវឲ្យអង្គការក្រៅរដ្ឋាភិបាល
ដែលធ្វើវេទិកាសាធារណៈ ត្រូវសុំច្បាប់អនុញ្ញាតទេ
ពោលគឺគ្រាន់តែជូនដំណឹងទៅអាជ្ញាធរ
និងសមត្ថកិច្ចពាក់ព័ន្ធប៉ុណ្ណោះ។ លោកបញ្ជាក់ថា
វេទិកានៅភូមិអង្គរថ្ងៃនេះ បានជូនដំណឹងរួចរាល់
តាមផ្លូវច្បាប់ទៅអាជ្ញាធរមូលដ្ឋានរួចហើយ ៖ "សូមលោកនាយកត្រូវទៅសុំការអនុញ្ញាត ទៅគោលការណ៍ពី រដ្ឋបាលខេត្ដបាត់ដំបងជាមុនសិនមុននឹងរៀបចំវេទិកាខាងលើនេះ" ។
មន្ត្រីសម្រសម្រួលរបស់សមាគមអាដហុក
ប្រចាំខេត្តបាត់ដំបង ដែលតាមឃ្លាំមើលហេតុការណ៍នេះ លោក យិន ម៉េងលី
ហៅការរារាំងរបស់សមត្ថកិច្ចនោះថា ជាការគោរពបញ្ជាថ្នាក់លើ
ច្រើនជាងការអនុវត្តច្បាប់ ៖
"(ប៉ូលិស)អង្គការនៅកម្ពុជាត្រូវតែគោរពច្បាប់បាទ។ (លោក ណុប វី) បាទបង
ព្រោះអញ្ចេះបងអង្គការយើងត្រូវតែគោរពច្បាប់អញ្ចឹងហើយណាស់
ព្រោះនៅក្នុងច្បាប់វាដូចថា
មានកន្លែងណាដែលត្រូវឲ្យសុំការអនុញ្ញាតចឹងណាបងយើងជូនដំណឹង ។
(ប៉ូលិស)ឥឡូវខ្ញុំគ្រាន់តែប្រាប់ប៉ុណ្ណឹងទេ បងស្ដាប់បានក៏ស្ដាប់
បងទៅទាក់ទងខាងលើក្នុងលិខិតនេះគេបញ្ជាក់ហើយទាក់ទងនៅសាលាខេត្ដ " ។
យ៉ាងណាក៏ដោយ
ការប៉ះទង្គិចនោះមិនមានពលរដ្ឋណាម្នាក់ត្រូវបានសមត្ថកិច្ចចាប់ខ្លួន
ឬរងរបួសធ្ងន់ធ្ងរទេ ហើយវេទិកាសម្តែងមតិ
ត្រូវបានប្រព្រឹត្តិទៅដូចការគ្រោងទុក
តែចំនួនពលរដ្ឋចូលរួមបានថយចុះខុសពីការរំពឹងទុក៕
pls like page Battambang Real News
2 comments:
Hun Sen and his pigs must go!!!
Ah Hun Xen and CPP are so cheap.
Former CPP soldiers
Post a Comment