A Change of Guard

សូមស្តាប់វិទ្យុសង្គ្រោះជាតិ Please read more Khmer news and listen to CNRP Radio at National Rescue Party. សូមស្តាប់វីទ្យុខ្មែរប៉ុស្តិ៍/Khmer Post Radio.
Follow Khmerization on Facebook/តាមដានខ្មែរូបនីយកម្មតាម Facebook: https://www.facebook.com/khmerization.khmerican

Sunday 19 August 2012

The National Salvation Party to lodge an application registration with Interior Ministry on Monday 20th August ចលនាសង្គ្រោះជាតិ នឹងត្រូវទៅសុំច្បាប់ នៅក្រសួងមហាផ្ទៃ

Photo by DAP-NEWS
Sunday, 19 August 2012 ដោយ ៖​ អេង គឹមជាង-Posted:ID068 DAP News

ភ្នំពេញ៖ បន្ទាប់ពីសម្រេចបង្កើត ចលនាសង្រ្គោះជាតិ រវាងមេដឹកនាំគណបក្ស សម រង្ស៊ី និងគណបក្ស សិទ្ធិមនុស្ស នាពេលកន្លងមកនោះ ចលនាសង្រ្គោះជាតិនេះ នឹងត្រូវទៅសុំច្បាប់ជាផ្លូវការ នៅក្រសួងមហាផ្ទៃ នាថ្ងៃចន្ទ ទី២០ ខែសីហា ឆ្នាំ២០១២ និងក៏ដើម្បីប្រកាសថា នឹងបើកគេហទំព័រថ្មី របស់ខ្លួនផងដែរ។
អ្នកនាំពាក្យគណបក្ស សង្គ្រោះជាតិថ្មី លោក ប៉ុល ហំម និងជាអ្នកនាំពាក្យគណបក្ស សិទ្ធិមនុស្ស មានប្រសាសន៍ប្រាប់មជ្ឈមណ្ឌលព័ត៌មាន ដើមអម្ពិលនៅថ្ងៃទី១៩ ខែសីហា ឆ្នាំ២០១២ ថា ចលនាសង្គ្រោះជាតិ នឹងត្រូវដាក់លិខិតទៅក្រសួងមហាផ្ទៃ ដើម្បីឲ្យមានការទទួលស្គាល់ជាផ្លូវការ អំពីចលនាសង្រ្គោះជាតិថ្មីមួយនេះ ដែលមានការសម្រេច រវាងមេដឹកនាំ នៃគណបក្សទាំងពីរ កាលពីថ្ងៃទី១៧ ខែកក្កដា "ស្អែកនេះយើងនឹងដាក់ លិខិតនេះហើយ"។
លោកបន្តថា ក្នុងការដាក់លិខិតជាផ្លូវការ មិនមានការជំទាស់ពីភាគីណាមួយនោះទេ គឺមានការសម្របសម្រួល ពីគ្រប់ភាគី ព្រោះបើយោងតាមច្បាប់ ស្តីពីគណបក្ស នយោបាយ គឺមានសមាជិកស្ថាបនិកចំនួន ៨០នាក់ ដោយបានស្រាវជ្រាវយកតែ ៧នាក់ សម្រាប់គណៈកម្មាការបណ្តោះអាសន្ន ហើយគណៈកម្មាការទាំងនេះ ត្រូវទៅសុំច្បាប់នៅក្រសួងមហាផ្ទៃ។
លោក ទេព នីថា អគ្គលេខាធិការ នៃគណៈកម្មាធិការជាតិរៀបចំ ការបោះឆ្នោត បានមានប្រសាសន៍ថា បើកាលណាបង្កើត គណបក្សនយោបាយ ត្រូវទៅសុំច្បាប់ ដោយមានការចុះបញ្ជីត្រឹមត្រូវ ទៅតាមបែបបទ ដែលមានការកំណត់ដោយច្បាប់ ស្តីពីគណបក្សនយោបាយ ហើយចុះបញ្ជីនៅក្រសួងមហាផ្ទៃ។
សម្តេចតេជោ ហ៊ុន សែន បានថ្លែងនៅក្នុងពិធីចែកសញ្ញាបត្រ ដល់និស្សិត នៃសាកលទ្យាល័យភូមិន្ទនីតិសាស្រ្ត វិទ្យាសាស្រ្តសេដ្ឋកិច្ច នៅវិទ្យាស្ថានជាតិអប់រំ កាលពីព្រឹកថ្ងៃពុធ ទី០១ ខែសីហា ឆ្នាំ ២០១២ ដោយសម្តេច បានលើកជាចម្ងល់ ចំពោះគណបក្សប្រឆាំងពីរ ដែលរួមគ្នាបង្កើតចលនាសង្គ្រោះជាតិនោះថា តើបង្កើតឡើង ដើម្បីសង្គ្រោះអ្នកណា បើខ្លួនឯងជួយខ្លួន មិនបានផងនោះ។
កិច្ចព្រមព្រៀង ស្តីពីសមាសភាពចលនា ប្រជាធិបតេយ្យសង្រ្គោះជាតិ ដែលគណបក្សទាំងពីរ បានសម្រេច បង្កើតឡើង ដោយបានរៀបចំយន្តការដឹកនាំ ចលនា ប្រជាធិបតេយ្យសង្គ្រោះជាតិ។ ចលនានេះ តម្រូវឲ្យមានគណៈកម្មាធិការនីតិបញ្ញត្តិ គណៈកម្មាធិការប្រតិបត្តិ និងគណៈកម្មាធិការវិន័យតែប៉ុណ្ណោះ។ សមាសភាព ថ្នាក់ដឹកនាំ លោក សម រង្ស៊ី ជាប្រធាន លោក កឹម សុខា ជាអនុប្រធាន រីឯលេខាធិការដ្ឋានវិញ អ្នកស្រី មូ សុខហួរ ជាប្រធានលេខាធិការដ្ឋាន, លោក យ៉ែម បុញ្ញប្ញទ្ធិ ជាអនុលេខាធិការដ្ឋាន និងសម្រាប់ អ្នកនាំពាក្យចលនានេះ មានលោក ប៉ុល ហំម និងលោក យឹម សុវណ្ណ៕

No comments: